«Эмоционалды интеллект» олимпиадасы

    Алматы қаласы Білім басқармасына қарасты "Психологиялық қолдау орталығы" КММ ұйымдастыруымен 6–11 сынып оқушылары арасында өткен «Эмоционалды интеллект» олимпиадасының қалалық кезеңінде 7 сынып оқушысы Абай Айгерим ІІ орын, Бейсенғали Шолпан ІІ орын,  Мұрат Амин ІІІ орындарды иеленді. 

Жетекшісі: педагог-психолог Наурызбаева Ә.С.

Бұл олимпиада оқушылардың эмоционалдық сауаттылығын арттыруға, өзін-өзі тану және басқару дағдыларын дамытуға бағытталған маңызды білім сайысы болып табылады. Қатысушылар түрлі психологиялық тапсырмалар мен жағдаяттық сұрақтар арқылы өз қабілеттерін көрсетті. Оқушылар байқау барысында жоғары дайындық деңгейін, жауапкершілігін және сыни ойлау қабілетін айқын көрсете білді. Эмоцияларды дұрыс түсіну, оларды басқару және тиімді қарым-қатынас орнату бағытындағы тапсырмаларды сәтті орындады. Бұл жетістік – оқушының табандылығы мен еңбегінің нәтижесі. Сонымен қатар, жетекшісі Әсемгүл Серікқызының кәсіби шеберлігі мен қолдауы да үлкен рөл атқарды.