Оқушылардың қауіпсіздігі басты назарда: сейсможаттығу ұйымдастырылды
Іс-шара барысында мектеп директоры оқушыларға арнайы сөз сөйлеп, мұндай жаттығулардың маңыздылығын атап өтті. Ол төтенше жағдай кезінде әрбір оқушының өз өмірі мен айналасындағылардың қауіпсіздігі үшін жауапкершілікпен әрекет етуі қажет екенін айтып, қауіпсіздік ережелерін қатаң сақтау – басты міндеттердің бірі екенін жеткізді.
Жаттығуға жауапты тұлғалар: директордың тәрбие ісі жөніндегі орынбасары Құрманбеков Ә.Е., алғашқы әскери дайындық пәнінің мұғалімі Сайын А.Ж. және сынып жетекшілер.
Жаттығу кезінде дабыл белгісі берілгеннен кейін оқушылар мұғалімдердің жетекшілігімен белгіленген эвакуациялық бағыттар арқылы тәртіппен шығып, қауіпсіздік талаптарын сақтай отырып, мектеп ауласына жиналды. Жиналу барысында оқушылардың түгелдігі тексеріліп, төтенше жағдай кезіндегі әрекет алгоритмдері тағы бір мәрте пысықталды.
