Сейсмологиялық жаттығу

12 желтоқсан 2025 жылы бастауыш сыныптарда сейсмажаттығу өткізілді. Мұндай жаттығудың маңызы зор, өйткені ол оқушыларға жер сілкінісі кезінде қалай дұрыс әрекет ету керектігін үйретеді. Балалар қауіпсіз орынға жасырыну, мұғалім нұсқауын тыңдау және эвакуация жолын білу сияқты негізгі дағдыларды меңгереді. Жаттығу олардың қорқынышын азайтып, сенімділігін арттырады және төтенше жағдайда өздерін қорғауды үйретеді. Осындай шаралар бастауыш жастағы балалардың қауіпсіздік мәдениетін қалыптастырып, мүмкін болатын қауіп-қатердің алдын алуға көмектеседі.

Сейсмикалық жаттығу барысында оқушылар мен мұғалімдер төтенше жағдай орын алған кезде әрекет ету алгоритмін қайталады. Сонымен қатар өрт қауіпсіздігі бойынша профилактикалық жұмыс жүргізіліп, оқушыларға сақтық шаралары мен өрт шыққан жағдайда дұрыс қимылдау жолдары түсіндірілді.
Іс-шараның негізгі мақсаты — балалар мен мұғалімдердің төтенше жағдайларға дайындық деңгейін арттыру, қауіпсіздік дағдыларын қалыптастыру және өмір мен денсаулыққа төнетін қауіп-қатерді азайту.