Мектепішілік жиналыс
1. Оқушылардың сабаққа қатысуы туралы
Директордың тәрбие ісі жөніндегі орынбасары Құрманбеков Ә.Е. оқушылардың сабаққа қатысу тәртібі бойынша баяндама жасады. Кейбір оқушылардың себепсіз сабақ босатуы мен кешігу жағдайлары бар екені айтылды. Осыған байланысты сынып жетекшілеріне бақылауды күшейту және ата-аналармен байланысты нығайту тапсырылды.
2. Оқу үлгерімі туралы
Оқу меңгерушісі Смаилова И.А. оқушылардың оқу үлгеріміне талдау жасап, білім сапасының көрсеткіштерін таныстырды. Үлгерімі төмен оқушылармен қосымша жұмыстар жүргізу, қосымша сабақтар ұйымдастыру және оқу сапасын арттыру бойынша ұсыныстар берілді.
3. Мектептегі психологиялық ахуал туралы
Мектеп педагог - психологы Абизова М.Б. оқушылар арасындағы психологиялық ахуалға тоқталып, олардың қарым-қатынасы мен эмоционалдық жағдайын жақсарту, буллингтің алдын алу бойынша жұмыстарды күшейту қажеттігін атап өтті.
Жиналыс барысында айтылған мәселелер бойынша тиісті шешімдер қабылданып, жауапты тұлғаларға тапсырмалар жүктелді.