«Қыз баланың денсаулығы»

2026 жылғы 29 қаңтар күні "Қыз Жібек" қыздар ұйымының ұйымдастыруымен 6–7 сынып оқушы қыздарына арналған «Қыз баланың денсаулығы» тақырыбында профилактикалық кездесу өткізілді. Кездесуге арнайы №15 қалалық емханадан гинеколог-дәрігер шақырылды.

Кездесудің негізгі мақсаты – жасөспірім қыздардың жас ерекшелігіне сай денсаулығын сақтау, жеке бас гигиенасы туралы түсінік беру, ағзадағы жасқа байланысты өзгерістер жөнінде дұрыс әрі ғылыми ақпарат ұсыну, сондай-ақ денсаулыққа жауапкершілікпен қарауға тәрбиелеу.
Кездесу барысында төмендегі мәселелер қамтылды:
• жасөспірім кезеңіндегі физиологиялық өзгерістер;

• қыз баланың жеке бас гигиенасы;

• дұрыс тамақтану мен күн тәртібінің маңызы;

• денсаулыққа зиян келтіретін факторлардан сақтану;

• дәрігерге уақытында қаралудың қажеттілігі.

Оқушылар маманға өздерін толғандырған сұрақтарын қойып, нақты әрі түсінікті жауаптар алды. Кездесу ашық, сенімді және тәрбиелік бағытта өтті. Іс-шара соңында оқушыларға өз денсаулығына ұқыпты қарау, қажет жағдайда ересектерге немесе медицина мамандарына жүгіну қажеттігі жөнінде кеңестер берілді.

ДТІЖО: Сыдықова А.Н.

Тәлімгер: Алмас А.А.

Педагог-психолог: Аскерова Е.Р.