«Қыз баланың денсаулығы»

«Қыз Жібек» қыздар ұйымының ұйымдастыруымен 6-7 сынып оқушыларының қыздарына арналған «Қыз баланың денсаулығы» тақырыбында  №15 қалалық емханасының гинеколог-дәрігерімен профилактикалық кездесу өткізілді. 

Кездесудің негізгі мақсаты – жасөспірім қыздардың жас ерекшелігіне сай денсаулығын сақтау, жеке бас гигиенасы туралы түсінік беру, ағзадағы жасқа байланысты өзгерістер жөнінде дұрыс әрі ғылыми ақпарат ұсыну, сондай-ақ денсаулыққа жауапкершілікпен қарауға тәрбиелеу.

Кездесу барысында төмендегі мәселелер қамтылды:

            •           жасөспірім кезеңіндегі физиологиялық өзгерістер;

            •           қыз баланың жеке бас гигиенасы;

            •           дұрыс тамақтану мен күн тәртібінің маңызы;

            •           денсаулыққа зиян келтіретін факторлардан сақтану;

            •           дәрігерге уақытында қаралудың қажеттілігі.

Оқушылар маманға өздерін толғандырған сұрақтарын қойып, нақты әрі түсінікті жауаптар алды. Кездесу ашық, сенімді және тәрбиелік бағытта өтті.  Іс-шара соңында оқушыларға өз денсаулығына ұқыпты қарау, қажет жағдайда ересектерге немесе медицина мамандарына жүгіну қажеттігі жөнінде кеңестер берілді.