«Оқушылардың құқықтары мен міндеттері»
Мектепте оқушылардың құқықтық сауаттылығын арттыру, өз құқықтары мен міндеттерін білуге тәрбиелеу және жауапкершілік сезімін қалыптастыру мақсатында «Оқушылардың құқықтары мен міндеттері» тақырыбында сабақтар өткізілді.
Сабақ барысында оқушыларға Қазақстан Республикасының Білім туралы Заңы, Бала құқықтары туралы Конвенция және мектеп ішкі тәртіп ережелері негізінде оқушылардың негізгі құқықтары мен міндеттері туралы мәліметтер берілді. Сонымен қатар, білім алу құқығы, қауіпсіз ортада оқуға мүмкіндік, пікір білдіру еркіндігі және оқу мен тәртіпке қатысты жауапкершіліктер түсіндірілді.
Тақырыпқа байланысты жағдаяттық тапсырмалар, сұрақ-жауап жұмыстары ұйымдастырылып, оқушылардың құқықтық түсінігін бекітуге бағытталған пікірталас жүргізілді. Оқушылар белсенді қатысып, өз ойларын еркін жеткізді.
Сабақтың қорытындысында оқушыларды өз құқықтарын құрметтеуге, міндеттерін адал орындауға және мектеп ережелерін сақтауға шақыру мақсат етілді.
