25 мамыр күні мектебімізде «Білімім – Отаныма» тақырыбында соңғы қоңырау салтанатты іс-шарасы жоғары деңгейде ұйымдастырылып өтті. Бұл мереке – түлектердің мектеп өміріндегі ең маңызды әрі ұмытылмас күндерінің бірі болды. Салтанатты жиында 11-сынып оқушыларына арналған ақжолтай тілектер айтылып, олардың оқу мен қоғамдық жұмыстардағы жетістіктері ерекше атап өтілді. Түлектер мектеп қабырғасында алған білімдері мен тәлім-тәрбиелерінің болашақ өмірлеріне берік негіз болатынын жеткізді.