“Мектеп кітапханасы – білім мен рухани дамудың ордасы”

Биылғы жылдың қыркүйек айының 15 - де мектеп оқушыларымен " Кітапхана- табыс аумағы" атты өңірлік акциясысы өткізілді. Қазақ тілі мен әдебиеті пәнінің мұғалімі Темірбекова Алтынай бастауыш буыннан орта буынға өткен 5 “В “ сынып оқушыларын мектебімідің кітапханасымен таныстырды.
"Мектеп кітапханасы – білім мен рухани дамудың ордасы" демекші, мектеп кітапханасы – оқушылардың білімін тереңдетіп, кітап оқуға деген қызығушылығын арттыратын маңызды мәдени-білім беру орталығы. Іс-шараның мақсаты – оқушыларды кітап оқуға баулу, кітапхананың білім мен рухани дамудағы маңызын түсіндіру және кітапқа деген қызығушылығын арттыру болды. Іс-шара барысында кітапханашы оқушыларды кітапхананың тарихымен, кітап қорымен таныстырып, жаңа әдебиеттерге шолу жасады. Оқушылар белсенді түрде қатысып, сүйікті кітаптары туралы пікірлерін білдірді, сұрақтарға жауап берді. Сонымен қатар танымдық ойындар мен шағын тапсырмалар ұйымдастырылып, оқушылардың ой-өрісі кеңейтілді. Шара соңында кітаптың адам өміріндегі рөлі туралы қорытынды жасалып, кітап оқудың пайдасы ерекше атап өтілді. Оқушылар іс-шарадан жақсы әсер алып, кітапханаға жиі келуге ниет білдірді.