Алматыда педагогтардың тамыз кеңесі өтті

Алматыда педагогтардың тамыз кеңесі өтті
Бүгін еліміздің педагогтары мен шетелдік сарапшылар балалардың білімі, денсаулығы мен өмір сүру деңгейін талқылады. Алматыда «Әділетті Қазақстан: сапалы білім, адал ұрпақ, табысты ұлт» тақырыбында білім беру қызметкерлерінің тамыз кеңесі өтті.
Форумға республиканың түкпір-түкпірінен 2900 білім беру қызметкері жиналды. Жиында білім беру саласындағы жетекші мамандар, ғалымдар мен педагогтар тәжірибелерімен, білімдерімен бөлісті, күнделікті жұмыста кездесетін жетістіктер мен қиындықтар туралы айтты.
Сарапшылардың баяндамаларында балалардың әл-ауқат индексін пайдаланудың алғашқы нәтижесі ұсынылды, өмірінің түрлі саласында балалардың әл-ауқатының анықталған мәселелері көрсетілді, оларды жақсарту үшін шешімдер ұсынылды.
💬 «Бүгін баланың физикалық және психологиялық денсаулығын қолдауға, сапалы білім берумен, даму мүмкіндіктерімен және басқа да жағдайлармен қамтамасыз етуге бағытталған жобалар ұсынылды. Іс-шара жаңа оқу жылы қарсаңында даму мәселелері мен перспективалады анықтауға көмектеседі», - деді Алматы қаласы білім басқармасының басшысы Ләззат Жылқыбаева.
🔗 @akimat_almaty