«Вейп – денсаулыққа зиян»
2023 жылдың 20 қыркүйек күні Nº15 Қалалық емхана клиникалық базасының психологы Оразалинова Айбану Бауыржанқызының ұйымдастыруымен С.Асфендияров атындағы КазҰМУ, ЖТД-2 кафедрасында білім алып жүрген ЖМ 17-040 топ интерндері 9 сынып сынып оқушыларына зиянды әдеттердің алдын алу мақсатында "Шылым шегу мен алкоголизмнің зияндылығы" тақырыбына интерактивті дәрістер оқыды.
Жасөспірімдердің салауаттылық, өмірге ұмтылысы,
зиянды әдеттерді жек көрушілігі олардың өзге адамдармен қарым-қатынасына яғни әлеуметтік ортаға тығыз байланысты. Ұрпақты өмір заңдылықтарына, салауаттылық, негіздеріне бейімдеу мектеп жүйесі жүктеген маңызды да жауапкершілігі мол міндет болып табылады. Шылым шегу - зиянды әдет, ағзаны улайды. Адам шылым шеккенде зиянды заттар ағзаға өтіп, өкпеге қонады. Темекі мен оның түтінінде адам ағзасына зиянды ең улы никотиннен бастап 200-дей химиялық, заттар
кездеседі.
Мектеп психологы Абизова Мөлдір «Вейп – денсаулыққа зиян» - тақырыбына оқушыларға жадынамалар таратты. Жадынамада Вейп жасөспірім ағзасына зиян екендігі туралы айтылды.
