Тәуелсіздік- ел тірегі.
Тәуелсіздік- ел тірегі. Тәуелсіздік мерекесі қарсаңында Алматы қаласындағы Қожа Ахмет Яссауи атындағы №123 мектеп гимназиясының тарих пәні мұғалімі Киізбай Мөлдірдің ұйымдастыруымен «Тәуелсіздік – ел тірегі» атты онлайн қашықтан кездесу өтті. Кездесуге желтоқсан оқиғасының куәгері Жүрсін Құлбайұлы мен Желтоқсан оқиғасын зерттеуші, бірнеше кітаптың авторы Шалқар радиосының директоры Болатбек Төлепберген қатысып, көңілдегі естеліктерімен бөлісті. Аталмыш іс-шара Қазақ радиосында шығарылып, көпшілік қауымға ұсынылды. Бүгінгі таңда елімізде орын алып отырған жағдайға қарамастан оқытушыларымыз оқушыларымызды Тарихтың куәсі болған азаматтармен жолықтырып кереметтей көкейдегі әңгімелерімен бөлістіргені үшін алғыс айтамыз. Көгімізде қыранымыз қалықтап, жерімізде тұлпарымыз тұсау салдырмасын. Тәуелсіздіктің 29 жылы құтты болсын.